Былы гулец слонімскага «Камунальніка» і юнацкіх каманд МТЗ-РІПА Сяргей Гусар, які стаў ксяндзом, у інтэрв'ю betnews.by распавёў, з кім і супраць каго з вядомых футбалістаў гуляў.
— З кім з вядомых футбалістаў у вас атрымалася згуляць у МТЗ-РІПА?
— Як футбаліст я не трапіў нават у дубль МТЗ-РІПА, не атрымалася ў мяне, не пашанцавала. Таму больш гуляў з імі на тым жа «Хрустальном мяче». А з вядомых футбалістаў — Антоха Бубноў, які таксама са Слоніма. Жэнька Севасцьянаў — мы з ім ў пары працавалі на кожнай трэніроўцы і былі такімі па духу блізкімі людзьмі. Сярога Кіслы — быў такі вельмі пэрспектыўны футбаліст некалі… Сяргей Паліцевіч, Саша Талканіца з Ваўкавыску, Макс Вітус. З тых, хто цяпер гуляе — Андрэй Якімаў і Ягор Зубовіч з «Нёмана».
Потым за зборную Гродзенскай вобласці гуляў разам з Сяргеем Чэрнікам. Ды і тады ў Мінску быў сапраўдны футбольны бум, гэтыя каманды арганізоўваліся, і мы, юныя футбалісты, адзін аднаго ведалі. Таму вельмі часта перасякаліся па дзецях з Мішай Сіваковым, Ягорам Філіпенка, Сяргеем Кісляком, Алегам Вераціла і іншымі…
— Гуляючы супраць тых жа Сівакова і Філіпенка, маглi падумаць, што яны праз некалькі год будуць у групавым этапе Лігі чэмпіёнаў, а потым у серыі А і Ла Лізе?
— Ведаеш, добрае пытанне. Тады ўжо па дзецях добра ведалі іх талент, нам іх у прыклад ставілі. Але што яны даб‘юцца па мерках Беларусі такіх высотаў, насамрэч я падлеткам уявіць не мог. Вельмі рады за хлопцаў, што ў іх так крута ўсё склалася. Бо яны вельмі таленавітыя спартоўцы!
Памятаеце экс-футбаліста, які стаў ксяндзом? Мы з ім паразмаўлялі
Фота: Мікіта Пастухоў.
Поделиться:
0
0
0
