Карына Дзямідзік: галоўнае дасягненне ў кар’еры — вяртанне ў спорт пасля траўмы і аперацыі

Беларуская лёгкаатлетка Карына Дзямідзік, якая спецыялізуецца ў скачках у вышыню, распавяла Bet News, што лічыць галоўным дасягненнем у кар«еры.

»Мова са мной з нараджэння«. Карына Дзямідзік: скачкі па-беларуску

— Пасля заканчэння мінулай Алімпіяды кіраўнік Федэрацыі лёгкай атлетыкі Беларусі Іван Ціхан адзначыў: »Карына Дзямiдзiк паказвала ў скачках у вышыню 1,95 метра. На Алiмпiядзе такi скачок мог прынесцi ёй бронзавы медаль«. Прыемна было чуць такі водгук?

— Безумноўна, прыемна. Я рада, што гэта адзначаюць. Але сама я да гэтага стаўлюся дваяка.

Так, я дасягнула бронзавага выніку на Алімпійскіх гульнях, і нават у гэтыя ж даты, але гэта нельга параўноўваць з вынікам, які б мог быць у Парыжы. Там канкурэнцыя іншая, настрой іншы, атмасфера... Невядома, колькі б я там скокнула…

— На Алімпіядзе-2021 ў Токіа табе выступіць давялося. Там ты заняла 19-е месца. Які самы яскравы ўспамін пра той час?

— Штодзённыя тэсты на каранавірус і абсалютна пустыя трыбуны. Неяк не так я сабе ўяўляла спаборніцтвы сваёй мары:)

— Што лічыш сваім галоўным дасягненнем у кар»еры?

— 6-е месца на чэмпіянаце свету і срэбра на этапе Дыяментавай лігі з вынікам 2 метры — гэта калі казаць пра спартыўныя вынікі. А калі ў цэлым, то вяртанне ў прафесійны спорт пасля сур’ёзнай траўмы спіны і аперацыі на ступні.

Фота: НАК.