«Можа, футбалістамі і не станеце, але футбол вам дапаможа». Ксёндз успомніў словы Малафеева

Былы гулец юнацкіх каманд МТЗ-РІПА Сяргей Гусар у інтэрв'ю betnews.by падзяліўся ўспамінамі пра сумесную працу з легендарным Эдуардам Малафеевым.

— Так, Эдуард Васільевіч прыйшоў у клуб у мой апошні год у МТЗ. У чалавека проста шалёная энергетыка, гэта такі матыватар, што пасля ягоных настаўленняў мы былі гатовыя «носам рыць землю». Плюс ён унёс нешта новае ў трэніровачны працэс. З«явіліся нават трэніроўкі з трэнерам па мастацкай гімнастыцы раніцай. Плюс Малафееў як чалавек меў мудрасць. У мяне дагэтуль у памяці засталіся яго словы: »Хлопцы, можа, вы футбалістамі вялікімі і не станеце, але футбол вам у жыцці заўсёды дапаможа”. У маім выпадку гэта на сто адсоткаў споўнілася. Бо калі вучыўся на святара і ў Італіі, і ў Польшчы, усе ведалі, што я былы футбаліст, і мне гэта заўсёды адразу дапамагала ў камунікацыі: футбол любяць паўсюль. Таму гэта такія нават прарочыя словы Эдуарда Васільевіча, — сказаў Гусар.

Памятаеце экс-футбаліста, які стаў ксяндзом? Мы з ім паразмаўлялі

Фота: Getty Images.