Былы футбаліст МТЗ-РІПА і слонімскага «Камунальніка», а зараз ксёндз Сяргей Гусар, які служыць і жыве ў Маладзечне, адказаў, ці прыйшоў бы ён да мясцовай каманды, калі б яна паклікала яго да сябе.
Нагадаем, «Маладзечна» займае апошні радок у табліцы чемпіяната Беларусі, набраўшы адзін бал у 13 гульнях.
— Там працуе прэс-сакратаром такі глыбока веруючы каталік Паша Малашка. Ён нават футбольным фанатам быў і прыязджаў у Слонім падтрымаць свой клуб, калі я яшчэ гуляў за «Камунальнік». І ўжо тады па касцёлу мы ведалі адзін аднаго. І пасля гульні я падыходзіў да маладзечненскага сектару, мы з ім заўсёды размаўлялі. Паша зараз працуе ў структуры клуба, і дзякуючы яму я трошкі ведаю, што там адбываецца. І нават я быў на іх матчы з «Нафтанам», і там пабачыў Мішу Калядку, з якім яшчэ ў Слоніме гулялі. Было вельмі прыемна яго пабачыць.
Таксама я ўбачыў, што многім людзям у Маладзечне баліць, што іх каманда кепска выступае. Таму калі мяне паклічуць як святара памаліцца за каманду, каб нешта ў футбольным плане палепшылася, то я абавязкова прыду. Бо шкада, што ў горадзе, дзе так любяць футбол і столькі чакалі вяртання каманды ў эліту, зараз такія справы, — выказаўся Гусар у інтэрв'ю betnews.by.
Памятаеце экс-футбаліста, які стаў ксяндзом? Мы з ім паразмаўлялі
Фота: ФК «Маладзечна».
Поделиться:
1
0
0
