Ганна Скрыганава ў Міжнародны дзень роднай мовы расказала пра любоў да беларускай мовы

Футбалістка польскай «Палоніі» Ганна Скрыганава адказала на пытанні Bet News пра беларускую мову ў інтэрв'ю з нагоды Міжнароднага дня роднай мовы.

— Ці дапамагло валоданне роднай мовай хутчэй засвоіць польскую?

— Стоадсоткава! Дзякуючы беларускай мове тут было значна лягчэй адаптавацца і вывучыць польскую. Гэтыя мовы падобныя, маюць шмат падобных слоў.

— Увогуле ці шмат у цябе ў жыцці было беларускай мовы?

— З беларускай мовай я сутыкалася яшчэ ў школе. І адзін са школьных іспытаў я здавала па-беларуску. Падабаецца слухаць музыку на роднай мове і проста разумець, што гэта мова нашага народа.

— Перыядычна ў тваіх сацыяльных сетках таксама з'яўляюцца цытаты на беларускай мове.

— Так, часам пішу і нешта выкладаю на беларускай мове. Бо гэта мне падабаецца і класна выглядае.

Футбалістка Скрыганава — пра легіянерства і любоў да роднай мовы

Фота: Мікіта Пастухоў.